मध्यपहाडी राजमार्ग पीच गरेको वर्षदिन बित्दा पनि हटाइएन गिटी
दुर्घटनाको जोखिम दिनानुदिन बढ्दै
![](https://radioathrai.com.np/uploads/news/images/422333154_1371714620379239_6699371268506128652_n2024-01-30-06-50-19.jpeg)
तेह्रथुम आठराई
तुलसी सिटौला
मध्यपहाडी राजमार्ग पॅाचथरको चिवा भन्ज्याङ देखि दार्चुलाको झुलाघाट अन्तर्गत आठराईको डॅाडागाउॅ देखि फेदापको इशिबु पन्चमी सम्मको बाटो पीच भएको एक वर्ष भइसकेको छ । पीच गरेको वर्षदिन बित्दा पनि पीच पछि विछ्याईएको गिटी भने त्यतिकै छोडिएको छ ।
जसले गर्दा दुई पाङ्ग्रे सवारी साधन बढी दुर्घटना हुने अवस्था सृजना भएको छ ।प्राय यो सडक भएर हिॅड्ने मोटरबाइकहरू दुर्घटना नभएको सायदै होलान । पीच सडक भएकोले गति पनि केही बढी हुने र विपरीत दिशाबाट ठुलो सवारी आउॅदा साइड दिन गिटीमै पुग्ने भएकाले बाइक अनियन्त्रित भएर दुर्घटना हुने गरेका छन्। सडकको बिचमा मात्रै गाडी कुदेकोले गिटी दायॅा र बायॅा पन्छिएको छ ।
एल लाइट कम्पनि काठमान्डौले ठेक्का लिई पीचको कार्य गरेको हो भने वाल र नालीको काममा अरू पनि कम्पनीहरु रहेका छन् ।सम्झौताको अवधी आगामी जेठमा सकिने बुझिएको छ ।सम्झौताको अवधी सकिनु भन्दा केही समय अघि सडक सफा गरेर हस्तान्तरण त कम्पनीले गर्ला तर त्यतिन्जेल सम्म दुर्घटना बढ्ने पक्का छ ।
त्यसैले सडक तत्काल सफा गरी सम्भावित दुर्घटना कम गराउॅन निर्माण कम्पन्नीलाई दवाव दिनु जरूरी छ ।
प्रतिकृया दिनुहोस