जंगलमा लागेको आगो बस्तीमा पस्दा तेह्रथुमको आठराई ७ थोक्लुङमा ६ घर जलेर नष्ट
आगलागीका कारण बुधबार तेह्रथुमको आठराई गाउँपालिका वडा नं ७ थोक्लुङ रानीचौताराका फुसको छानो भएका ६ घर जलेर नष्ट भएका छन । आहालटार सामुदायिक वनमा लागेको आगो बस्तीमा पसेपछी मानिस बसोबास गर्दै गरेका दुइ र खाली ४ घर सहित छ घर जलेका हुन ।
देबी प्रसाद भट्टराई बस्दै आएको याम नाथ फुएल र बेदचार्य भट्टराईको घर जलेका हुन भने खाली घरहरूमा रेवती रमण धमला,डिल्ली विक्रम फागो,होमनाथ पराजुली र पुष्प फुएलका घरहरू जलेर नष्ट भएका हुन ।
आगलागीबाट मानिस बसोबासगर्दै गरेका दुइ घरमा अन्नपात गरगहना लत्ताकपडा सहित करीब ६ लाख ६० हजार बराबरको क्षती भएको इलाका प्रहरी कार्यालय सक्रान्तिबजारका प्रमुख बद्री दाहालले जानकारी दिनुभयो ।
प्रतिकृया दिनुहोस